Plantun de Prouvènço

Pèr coumpara dos planto d'encò nostre

Leucanthemum pallens & Panicum barbipulvinatum

Leucanthemum pallens

Asteraceae Compositae

Nom en français : Marguerite pâle.

Descripcioun :
Aquelo margarido pòu èstre mai o mens grando, ramificado o pas gaire. Se recounèis à si bratèio de flour coumpausado (de l'invoulucre) que soun proun claro, blanco o un pau brunello au contro de la margarido coumuno. Es estado de tèms counfoundudo emé la subsp. leucopsis de Leucanthemum vulgare. Pèr la destria, fau regarda que li fueio de la cambo siegon emé de dènt pas trop longo (< 3 mm - fotò).

Usanço :
Soun li mémis usanço que la margarido-di-prat.

Port : Erbo
Taio : 20 à 120 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Leucanthemum
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) enflourejado : 2,5 à 5 cm
Flourido : Estiéu

Sòu : Ca
Autour basso e auto : 0 à 1700 m
Aparado : Noun

Liò : Tepiero umido - Esboudèu - Bos clar - Relarg à jòuinis aubret
Estànci : Mesoumediterran à Mountagnard
Couroulougi : Éuropènco-Sud
Ref. sc. : Leucanthemum pallens (J.Gay ex Perreym.) DC., 1838

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.